اسلام آباد(نیشنل ٹائمز)یوٹیلٹی اسٹورز کارپوریشن میں اربوں روپے کی بےضابطگیوں اور کرپشن کا انکشاف ہوا ہے۔ لوٹ مار اور غیرمعیاری اشیاء کی خرید و فروخت کی گئی۔آڈیٹر جنرل (اے جی) آفس ذرائع کا کہنا ہے کہ یوٹیلٹی اسٹورز کے فارنزک آڈٹ میں اربوں روپے کی بےضابطگیوں کی نشاندہی کی گئی ہے جس میں کرپشن، لوٹ مار اور غیرمعیاری اشیاء کی خرید و فروخت کی گئی۔آڈیٹر جنرل آف پاکستان نے یوٹیلٹی اسٹورز کا فارنزک آڈٹ مکمل کرلیا جس کے بعد کہا گیا ہے کہ آڈٹ سے معلوم ہوا یوٹیلٹی اسٹورز کارپوریشن تباہی کے دہانے پر ہے۔آڈیٹر جنرل آف پاکستان نے کہا ہے کہ کانوں کو ہاتھ لگا کر کہتے ہیں یوٹیلٹی اسٹورز کا کوئی حال نہیں، فارنزک آڈٹ رپورٹ صدر پاکستان کو دی جائے گی۔