اسلام آباد(نیشنل ٹائمز) پاکستانی ڈرائیور نے دبئی میں 50 ملین درہم کی لاٹری جیت لی۔خلیج ٹائمزکے مطابق ایک 36 سالہ پاکستانی ڈرائیور نے ہفتہ وار مہازو ڈرا میں 50 ملین درہم جیتے ۔ یہ لاٹری ہفتے کی شب منعقد کی گئی، ہفتہ کی رات ہونے والی 48 ویں ہفتہ وار براہ راست قرعہ اندازی میں پہلی مرتبہ ، 50،000،000 درہم کا ایک بڑا انعام جیتا گیا ہے۔6،000 درہم کمانے والا پاکستانی ڈرائیور جنید رانا ایک چار سالہ بیٹی اور دو سالہ بیٹے کے والد ہیں۔ جبکہ ان اس کی اہلیہ پاکستان میں مقیم ہیں اوروہ اس وقت حاملہ ہیں۔ پاکستانی ڈرائیو رنے کہا کہ میں نے صرف آنکھیں بند کیں اور ایک نمبر کا انتخاب کیا۔ جنید نے مزید بتایا کہ میں اپنے ایک دوست کے ساتھ بیٹھا تھا جب اس نے مجھے بتایا کہ کسی نے 50 ملین درہم کی لاٹری جیتی ہے جس پر میں نے اس سے کہا کہ یہ تو اچھی بات ہے، لا ئومیں اپنا نمبر بھی دیکھتا ہوں۔ میں نے پہلے تین نمبر دیکھے اور میں بے حد خوش ہوا ۔ خلیج ٹائمز کے مطابق جنید متحدہ عرب امارات میں ہی قیام پذیر ہے جہاں ان کے والد کا درزی کا کام ہے۔ کچھ سال قبل ان کے والد طبیعت خرابی پر علاج کی غرض سے پاکستان گئے، جنید بھی اپنے والد کے ہمراہ پاکستان روانہ ہوئے جہاں انہوں نے اپنے بیمار والد کی پانچ سال تک خدمت کی اور ان کا خیال رکھا۔ لاٹری جیتنے کے بعد جنید اپنی اہلیہ اور بچوں کو متحدہ عرب امارات بلانے کے خواہشمند ہیں۔جنیدنے کہا کہ میں نے کبھی بیش قیمت چیزوں کی خواہش نہیں کی۔میں ایک سادہ انسان ہوں اور میں یہ لاٹری جیتنے پر خوش ہوں۔