لاہور(نیشنل ٹائمز) ویکسی نیشن کی جعلی انٹریاں نہ رک سکیں، سابق وزیر اعظم و مسلم لیگ (ن) کے قائد نواز شریف کو سائنو ویک کے بعد کین سائنو کی سنگل ڈوز بھی لگا دی گئی۔نجی ٹی وی کے مطابق سابق وزیراعظم نوازشریف کو کین سائنو سنگل ڈوز ویکسین ناروال پبلک سکول سے لگی،نواز شریف کو 3 اکتوبر کو ناروال پبلک سکول میں ویکیسن لگائی گئی ہے۔ اس سے قبل نوازشریف کو 22 ستمبر کو سائنو ویک لگائی گئی تھی۔ سرکاری دستاویزات کے مطابق نواز شریف اب مکمل ویکسی نیٹڈ ہو چکے ہیں۔ اس سے قبل نواز شریف کو کوٹخواجہ سعید ہسپتال میں بھی ویکسین لگنے کا جعلی اندراج کا انکشاف ہوا تھا جس کی ایف آئی اے اور محکمہ صحت میں تحقیقات جاری ہیں ، اس کیس میں دو سینئر ڈاکٹرز کو معطل جبکہ جعلی اندراج کرنے والے دو ملازمین گرفتار بھی ہیں ۔