راولپنڈی (نیشنل ٹائمز)کونسل آف پاکستان نیوزپیپر ایڈیٹرز (سی پی این ای )کے وفد نے جمعرات کو آئی ایس پی آر کا دورہ کیا اور ڈی جی آئی ایس پی آر میجر جنرل بابر افتخار سے ملاقات کی۔سی پی این ای کی جاری پریس ریلیز کے مطابق ڈی جی آئی ایس پی آر نے وفد کو خطے میں حالیہ پیش رفت اور قومی سلامتی پر مرتب اثرات کے تناظر میں موجودہ سکیورٹی صورتحال سے آگاہ کیا۔ ڈی جی آئی ایس پی آر نے ویسٹرن زون بارڈر مینجمنٹ رجیم کے حصے کے طور پر سرحدوں کی صورتحال اور ضروری حفاظتی اقدامات کے متعلق بھی آگاہی دی۔ وفد نے تازہ ترین پیش رفت کی معلومات دینے پر ڈی جی آئی ایس پی آر کاشکریہ ادا کیا۔
سی پی این ای وفد کا دورہ آئی ایس پی آر، ڈی جی میجر جنرل بابر افتخار سے ملاقات
