سپریم کورٹ کے آرڈر کے تحت پیپلز پارٹی دور کے برطرف ملازمین بحالی ایکٹ 2010 کالعدم قرار دے دیا گیا۔ اس آرڈر کے بعد متاثر ہونے والے ملازمین پارلیمنٹ ہاؤس کے سامنے پر امن احتجاج کر رہے ہیں۔ملازمین سے بطور اظہار ہمدردی فیڈرل گورنمنٹ گرینڈ الائنس کے چیف آرگنائزر رحمان باجوہ، فگیگا کے سر گرم رکن آئیسکویونین کے پریذیڈنٹ عاشق خان اور پی ایس بی ایمپلائز یونین کے سیکرٹری جنرل انجم شہزاد گجر رات گئے مورخہ 12 ستمبر بروز اتوار بے یارو مددگار ملازمین کے ساتھ موجود رہے۔ ملازمین کا کہنا ہے کہ موجودہ حکومت نے ملازمین کو نوکریاں فراہم کرنے کا دعویٰ کیا مگر بد قسمتی سے وہیں پر ملازمین کو نکالا جانا ملازمین اور ان کے گھروں کے چولہے ٹھنڈے کر دیئے گئے مہنگائی اور کرونا جیسی مہلک وباء میں ملازمین اور ان سے وابستہ فیملیز سے رزق کو چھین ملازمین کو بے یارو مددگار کیا جا رہا ہے۔ ان حالات میں ملازمین اپنی عمر کا قیمتی حصہ گورنمنٹ کیلئے وقف کیا اور بہت سے ایسے ملازمین ہیں جو اب ریٹائرمنٹ کے قریب بھی پہنچ چکے ہیں۔ تمام ملازمین سپریم کورٹ اور حکومت وقت سے التماس کرتے ہیں کہ ان کے ساتھ انسانی ہمدردی کے تحت بے روزگار نہ کیا جائے تاکہ ملازمین اپنے بچوں اور فیملیز کو باعزت اور با وقار معاشرہ میں مقام پیدا کر سکیں۔