لاہور (نیشنل ٹائمز) پاکستان کے چاچا مستنصر حسین تارڑ کو کون نہیں جانتا ، مگر آپ کو ہرگز علم نہ ہو گا کہ مستنصر حسین تارڑ کے صاحبزادے سلجوق مستنصر تارڑ پاکستان کے سفیر ہیں ، آپ کو بتاتے چلیں کہ سفارت خانہ پاکستان، دی ہیگ نے (TDAP) کے اشتراک سے 17 ویں سالانہ مینگو فیسٹیول کا انعقاد کیا۔ جس میں مختلف ممالک کے سفارت کار، درآمد کنندگان (importers) اور پاکستانی کمیونٹی کے ارکان نے شرکت کی۔ سفیر پاکستان سلجوق مستنصر تارڑ نے شرکا سے خطاب کرتے ہوئے کہا کہ پاکستان دنیا کا پانچواں بڑا آم پیدا کرنے والا ملک ہے۔ گزشتہ مالی سال میں پاکستان نے آم کی برآمدات سے 122ملین امریکی ڈالرز سے زیادہ زرمبادلہ کمایا۔ پاکستان کی نیدرلینڈز میں آم کی برآمدات 6لاکھ امریکی ڈالرز رہیں جو کہ سال 2019-2020 کے مقابلہ میں 125%زائد ہیں۔ سفیر پاکستان نے پاکستان کی چاول کی برآمدات کا ذکر کرتے ہو ئے بتایا کہ پاکستان دنیا میں چاول برآمد کرنے والا چوتھا بڑا ملک ہے۔ جبکہ پاکستانی باسمتی چاول جو کہ ذائقہ اور خوشبو کے لحاظ سے دنیا بھر میں منفرد مقام رکھتے ہے۔ پاکستان اس وقت یورپی یونین میں سب سے زیادہ باسمتی چاول برآمد کرنے والا ملک ہے۔ سفیر پاکستان نے یومِ دفاع کی نسبت سے ہیروز غازیوں اور افواج پاکستان کو بھی کو خراج تحسین پیش کیا۔ مہمانوں کی پاکستانی آموں اور ان سے بنی ڈشز کے علاوہ بریانی سے تواضح کی گئی۔ شرکا کو پاکستانی سیاحتی مقامات کے بارے میں تعارفی ویڈیو بھی دکھائی گئی۔ سفیر پاکستان نے کہاکہ پاکستانی سیاحتی مقامات دنیا بھر میں منفرد مقام رکھتے ہیں۔ انہوں نے نیدرلینڈز کے باشندوں کو پاکستان کی سیاحت کی دعوت دی۔ شرکا نے پاکستانی آموں اور چاول کے ذائقہ اور معیار کو سراہا۔اس فسیٹول سے قبل صدر محترم عارف علوی نے بھی آموں کا تحفہ نیدرلینڈز کے اعلیٰ حکام کے لئے بھجوایا تھا۔ سفیر پاکستان نے پاکستانی برآمد کنندگان (exporters) کو بھی خراج تحسین پیش کیا اور امید کی کہ وہ پاکستانی مصنوعات کے فرو غ کے لئے اپنی محنت جاری رکھیں گے۔