اسلام آباد (نیشنل ٹائمز) پبلک اکاؤنٹس کمیٹی نے بجلی کی تقسیم کار کمپنیوں کی جانب سے صارفین سے ریڈنگ کی مد کروڑوں روپے زائد وصولی کا نوٹس لیتے ہوئے آڈٹ حکام کو تحقیقات کرنے کی ہدایت کی ہے۔کمیٹی نے ڈی جی پاکستان پوسٹ کی عدم موجودگی پر برہمی کا اظہار کرتے ہوئے اجلاس احتجاجاً ملتوی کردیا۔کمیٹی کا اجلاس چیئرمین رانا تنویر کی سربراہی میں پارلیمنٹ ہاؤس میں منعقد ہوا اجلاس میں کمیٹی اراکین کے علاؤہ وزارت ہاوسنگ کے ایڈیشنل سیکرٹری سمیت آڈٹ اور دیگر حکام نے شرکت کی اجلاس میں کمیٹی نے پاکستان پوسٹ کے ڈائریکٹر جنرل کی عدم شرکت پر تحفظات کا اظہار کیا گیا اس موقع پر چیرمین کمیٹی نے استفسار کیا کہ ڈی جی کیوں نہیں آرہے جس پر ایڈیشنل ڈائریکٹر جنرل حسن اختر نے بتایا کہ ڈائریکٹر جنرل ایف اے ٹی ایف کی میٹنگ کے سلسلے میں کراچی گئے ہیں کمیٹی اراکین نے ڈی جی پاکستان پوسٹ کی عدم موجودگی پر اس کے خلاف کاروائی کرنے کی تجویز پیش کرتے ہوئے کہا کہ میٹنگ کے انعقاد پر کروڑوں روپے خرچ کیے جاتے ہیں مگر کوئی کام نہیں ہوتا ہے اراکین نے اجلاس کے تمام اخراجات ڈی جی پاکستان پوسٹ سے وصول کرنے کا مطالبہ کیا تاہم چیرمین کمیٹی نے اجلاس ملتوی کرتے ہوئے کہا کہ کمیٹی کے اجلاس میں افسران کی عدمِ شرکت کسی طور قبول نہیں ہے اور اگر یہی سلسلہ جاری رہا تو کمیٹی اپنے اختیارات کے مطابق متعلقہ افسران کے خلاف کاروائی ہوگی اجلاس میں چیرمین کمیٹی نیبجلی کی تقسیم کار کمپنیوں کی جانب سے مقررہ تاریخ سے زائد پر ریڈنگ لیکر صارفین سے کروڑوں روپے زائد لینے کے معاملے کا نوٹس لیتے ہوئے آدٹ حکام کو تحقیقات کرنے کی ہدایت کی۔