ووہان (شِنہوا)چین کے وسطی صوبہ ہوبے میں 8 مشتبہ افراد کو اس گیس دھماکے سے تعلق رکھنے کے سلسلہ میں حراست میں لیا گیا ہے جس کے نتیجے میں25افراد ہلاک ہوگئے تھے ۔شی یان کی شہری حکومت کی جانب سے جمعہ کو جاری کردہ ایک بیان کے مطابق ، حراست میں لئے گئے افراد میں اس گیس کمپنی کا ہوانگ نامی جنرل منیجر بھی شامل ہے۔ابتدائی تفتیش سے معلوم ہوا ہے کہ چائنہ گیس سے وابستہ کمپنی ، ایک گیس فراہم کنندہ جو رہائشیوں اور کاروباری اداروں کو قدرتی گیس اور مائع پٹرولیم گیس مہیا کرتی ہے ، نیدرکار جانچ پڑتال کے مطابق گیس پائپ لائن کی نگرانی اور جائزہ لینے کے عمل پر سختی سیعمل نہیں کیا اور یہ کہ متعلقہ سہولیات کے آ پریشن میں شدید خامیاں موجود تھیں ۔اس دھماکہ سے 13 جون کی صبح شی یان کے ضلع ژنگ وان میں رہائشی برادری میں دو منزلہ تجارتی مارکیٹ کی عمارت لرز اٹھی ، جس میں 25 افراد ہلاک اور 100 سے زائد زخمی ہوگئے۔اس واقعے کی مزید تفتیش جاری ہے۔