ہانگ کانگ(نیشنل ٹائمز ) ہانگ کانگ میں پولیس نے ’ایپل ڈیلی‘ نامی ایک مقامی اخبار کے دفاتر پر چھاپہ مارتے ہوئے پانچ افراد کو گرفتار کر لیا ہے۔ ان میں اس اخبار کے مدیر اعلیٰ رائن لا بھی شامل ہیں۔ حکام کا الزام ہے کہ یہ اخبار اور اس میں چھپنے والا مواد قومی سلامتی سے متعلق قوانین کی خلاف ورزی کے مرتکب پائے گئے ہیں۔ ایپل ڈیلی کو کئی حلقوں میں آزاد اور جمہوریت نواز اخبار مانا جاتا ہے۔ اس کے بانی جمی لائی گزشتہ برس دسمبر سے زیر حراست ہیں۔