برسلز (نیشنل ٹائمز ) کورونا کی عالمی وبا کی وجہ سے یورپی یونین میں کریشن میں مزید اضافہ ہوا ہے۔ ٹرانسپرنسی انٹرنیشنل نے کہا ہے کہ اس بحران کی وجہ سے لوگ طبی خدمات حاصل کرنے کی خاطر رشوت کا استعمال بھی کر رہے ہیں اور یورپ کی کچھ حکومتیں اس وبا کو اپنے مقاصد کے حصول کی خاطر بھی استعمال کر رہی ہیں۔ اس ادارے کی سالانہ رپورٹ میں مزید لکھا ہے کہ بالخصوص صحت کے شعبے میں کرپشن میں نمایاں اضافہ ہوا ہے۔ اس رپورٹ کی تیاری کے لیے ای یو کے ستائیس رکن ممالک میں سے چالیس ہزار افراد کے انٹرویوز بھی کیے گئے۔