ووہان(شِنہوا)چین کے وسطی صوبہ ہوبے میں گیس کے باعث ہونیوالے دھماکہ میں 12 افراد ہلاک اور 100 سے زائد زخمی ہو گئے ہیں جن میں 39 شدید زخمی ہیں۔مقامی حکام اور ریسکیو ہیڈکوارٹرز نے اتوار کے روز بتایا کہ دوپہر 12 بجے تک امدادی کارکنان کو شی یان شہر میں دھماکہ کے مقام سے 150 افراد ملے ہیں اور انہیں ہسپتال منتقل کر دیا گیا ہے۔یہ حادثہ اتوار کے روز صبح 6 بجکر 30 منٹ پر شہر کے ضلع ژانگ وان کی ایک رہائشی کمیونٹی میں پیش آیا جس کے باعث بڑی تعداد میں لوگ دھماکہ کے مقام پر پھنس گئے ہیں۔تلاش اور امدادی کا رر وائیوں کے جاری ہونے کے باعث ہلاکتوں کی اصل تعداد کی تصدیق ابھی بھی کی جا رہی ہے۔