بیجنگ (شِنہوا)ایک حالیہ سروے سے یہ بات سامنے آئی ہے کہ چینی والدین اپنے بچوں کی اسکولوں میں جسمانی تعلیم وتربیت کو زیادہ اہمیت دیتے ہیں۔چائنہ یوتھ ڈیلی کی جانب سے کئے گئے سروے میں1ہزار513والدین میں سے 60.5فیصد کا خیال ہے کہ جسمانی تعلیم وتربیت پر زیادہ توجہ دی جانی چاہئے جبکہ 51.9 فیصد کا کہنا ہے کہ جسمانی تعلیم وتربیت کی کلاسوں کی مقدار اور معیار دونوں کو یقینی بنایا جائے۔اپنے بچوں کی جسمانی تعلیم وتربیت کی کلاس کے حوالے سے سروے میں شامل 50.6 والدین نے کہا کہ بعض اوقات جسمانی تعلیم وتربیت کی کلاس بھی تعلیمی مضامین کو دے دی جاتی ہے۔ژی جیانگ صوبے کے شہر ننگبو سے تعلق رکھنے والی شی دان کا خیال ہے کہ اس کے بچے کی جسمانی تعلیم وتربیت کو اسکول میں کسی نہ کسی طرح سے نظرانداز کیا جاتا ہے۔شی نے کہا کہ جسمانی تعلیم وتربیت کی کلاسوں میں اساتذہ بچوں کو صرف تھوڑی سے دوڑ لگانے اور کھیل کود کا موقع دیتے ہیں انہوں نے تجویز پیش کی کہ ٹیم کی سطح پر کھیلوں کو جسمانی تعلیم وتربیت کی کلاسوں میں شامل اور تمام بچوں کو جسمانی ورزش میں بھرپور حصہ لینے کا موقع دیا جائے۔