اسلام آ باد (نیشنل ٹائمز) چینی کمیونسٹ پارٹی کے عالمی ادارے کے وزیر لیو جیان چا و نے کہا ہے کہ پاکستان اور چین ترقی کی نئی راہوں پر گامزن ہیں، ان کی ترقی دونوں ملکوں کے لیے فائدہ مند ہوگی، چینی قیادت دونوں ملکوں کی دوستی کو اہمیت دیتی ہے، سرمایہ کاری کے لیے سیکیورٹی صورتحال کو بہتر بنانا ہوگا، بہتر سیکیورٹی سے تاجر پاکستان میں سرمایہ کاری کریں گے، ترقی کے لیے اندرونی استحکام ضروری ہے۔ چینی کمیونسٹ پارٹی کے عالمی ادارے کے وزیر لیو جیان چا ونے کہا ہے کہ پاکستان مین مشترکہ مشاورتی میکزم کے اجلاس کا انعقاد خوش آئند ہے، چینی قیادت دنوں ممالک کی دوستی کو خاص اہمیت دیتی ہے ، پاکستان چین کی ترقی دونوں ممالک کیلئے فائدہ مند ہیں۔ انہوں نے کہا کہ پاکستان اور چین کے درمیان معاہدوں سے ترقی کے نئے مواقع پیدا ہوں گے،دونوں ممالک کے درمیاں نئی جہتوں کو فروغ دینے کے خواہاں ہیں، ترقی کے اہداف کیلئے ضروری ہے کہ دونوں ممالک کو ایک دوسرے کے ساتھ چلنا اور سرمایہ کاری کی صورتحال کو بہتر بنانا ہے۔ لیو جیان چانے مزید کہا کہ پاک چین دوستی دونوں ممالک کے عوام کی مرہون منت ہے اس کے لیے عوامی رابطوں کو ہموار کرنے کیلئے مشترکہ کردار ادا کرنا ہوگا۔