اسلام آباد (نیشنل ٹائمز )وفاقی وزیر اطلاعات ونشریات عطاء اللہ تارڑ نے وفاقی بجٹ میں صحافیوں اور میڈیاورکرز کیلئے ہیلتھ انشورنس کی فراہمی کے اعلان پر مبارکباد پیش کی ہے ۔جاری بیان ک مطابق وفاقی وزیر اطلاعات نے کہا کہ صحافیوں اور میڈیاورکرزکو ہیلتھ انشورنس کی فراہمی اولین ترجیح ہے ۔صحافی ہمارے معاشرے کا اہم حصہ ہیں ۔جمہوریت کی مضبوطی میں صحافیوں کے کردار سے انکار نہیں کیا جاسکتا۔انہوں نے کہا صحافیوں کو ہیلتھ انشورنس کی فراہمی تاریخی قدم ہے پہلے مرحلے میں پانچ ہزار صحافیوں اور میڈیا ورکرز کو ہیلتھ انشورنس فراہم کی جائے گی جبکہ دوسرے مرحلے میں مزید دس ہزار صحافی اور میڈیا ورکرز اس سہولت سے مستفید ہونگے۔