جدہ (نیشنل ٹائمز )سعودی عرب میں حج سے قبل سیکورٹی فورسز کی سالانہ پریڈ کا اہتمام کیا گیا جس میں فوجی اور پولیس اہلکاروں نے اپنی پیشہ ورانہ مہارت کا مظاہرہ پیش کیا۔میڈیارپورٹس کے مطابق مکہ مکرمہ میں سعودی وزارت داخلہ شہزادہ عبدالعزیز بن سعودکی زیرقیادت میں فوجی اور پولیس اہلکاروں نیمارچ پاسٹ پیش کیا اورسلامی پیش کی جبکہ ہنگامی حالات سے نپٹنے کے لیے اہلکاروں نیم ختلف مشقوں میں بھی حصہ لیا,پریڈ میں فوجی ہیلی کاپٹروں سمیت بکتر بند گاڑیاں اور دیگر دفاعی سازوسامان بھی پیش کیا گیا۔اس موقع پرسعودی وزیرداخلہ شہزادہ عبدالعزیز بن سعود کا کہنا تھا کہ ہر سال کی طرح اس سال بھی حج کے موقع پرسیکورٹی کو فول پروف بنایا گیا ہے تاکہ حجاج کرام امن اور سلامتی کیساتھ فریضہ حج ادا کرسکیں ۔پریڈ دیکھنے کے لیے حرمین شریفین انتظامی امور کے سربراہ امام کعبہ الشیخ ڈاکٹر عبدالرحمان السدیس اوردیگر آئمہ کرام بھی شریک ہوئے جبکہ وزیرحج و عمرہ ڈاکٹر توفیق الربعیہ کے علاوہ دیگر اہم شخصیات بھی شریک تھیں۔