نئی دہلی (نیشنل ٹائمز )بھارت میں بی جے پی کی زیرقیادت سیاسی اتحاد نیشنل ڈیموکریٹک الائنس نے مرکزمیں حکومت بنانے کا اعلان کیا ہے جبکہ ان کے حریف راہول گاندھی نے بھی حکومت بنانے کا دعوی کردیا ۔ بھارتی ذرائع ابلاغ کی رپورٹس کے مطابق این ڈی اے کو اب تک292جبکہ کانگریس پارٹی کی زیرقیادت سیاسی جماعتوں کے اتحاد انڈیاکو234نشستیں ملی ہیں۔ کانگریس کے صدر ملک ارجن کھڑگے کے مطابق اتحادی جماعتوں کا اجلاس منعقد ہوگا جس میں تیلگو دیسم پارٹی (ٹی ڈی پی) اور جنتا دل یونائٹڈ (جے ڈی یو) کی حمایت حاصل کرنے کے لیے رابطہ کرنے کے سلسلے میں بھی مشاورت ہوگی. یہ دونوں پارٹیاں بھارتی انتخابات میں کنگ میکر کی حیثیت سے ابھری ہیں ٹی ڈی پی کو 15 اور جے ڈی یو کو 12 سیٹیں ملی ہیں تاہم ان دونوں پارٹیوں نے ابھی تک کسی بڑے سیاسی اتحاد کا حصہ بننے کا اعلان نہیں کیا کانگریس پارٹی کے صدر کا دعوی ہے کہ تیلگو دیسم پارٹی اور جنتا دل یونائٹڈ کے ساتھ رابطے جاری ہیں اور ممکنہ طور پر آئندہ24گھنٹوں کے اندر دونوں جماعتوں کے ساتھ مذکرات شروع ہونے کا قومی امکان ہے اگر یہ دونوں جماعتیں اپنی نشستیں کانگریس کے پلڑے میں ڈال دیتی ہیں تو انڈیاکی نشستیں261ہوجائے گی اسی طرح کچھ دیگر علاقائی پارٹیوں اور آزاد امیدواروں کی مجموعی طور پر93نشستیں ہیں جب کہ کانگریس کی قیادت میں سیاسی اتحاد انڈیا اور بی جے پی قیادت میں حکمران اتحاد این ڈی اے کی نشستوں میں 60 کا فرق ہے این ڈی اے کو 292 اور انڈیا کو 232 سیٹیں مل رہی ہیں۔ ادھر بھارتی سیاسی تجزیہ نگاروں کا کہنا ہے کہ انتخابی نتائج واضح ہونے کے بعد چھوٹی جماعتوں کی اہمیت بڑھ گئی ہے جو مختلف ریاستوں میں مضبوط علاقائی جماعتیں ہیں جبکہ نئی دہلی میں حکومت سازی کے لیے جوڑتوڑشروع ہوگیا ہے ۔