اسلام آباد(نیشنل ٹائمز ) چیئرمین سینیٹ سید یوسف رضا گیلانی نے عالمی یوم ماحولیات 2024 کے موقع پر اپنے پیغام میں کرہ ارض کے تحفظ کے لیے اجتماعی اقدامات اٹھانے پر زور دیا ہے- انہوں نے کہا کہ عالمی گرین ہاس گیسز کے اخراج میں کم سے کم شراکت کے باوجود موسمیاتی تبدیلیوں کے اثرات سے پاکستان کو سب سے زیادہ خطرات لاحق ہیں۔چیئرمین سینیٹ نے اپنے پیغام میں موسمی تغیرات سے نمٹنے کیلئے فعال اقدامات اٹھانے کی اہمیت پر زور دیا۔ چئیرمین سینیٹ نے اقوام متحدہ کے ماحولیاتی پروگرام (UNEP) اور سعودی عرب کی اس سال کی تقریبات کی میزبانی کو سراہا-انہوں نے کرہ ارض کے تحفظ ، صحرا بندی اور خشک سالی سے نمٹنے کیلئے سعودی عرب اور یو این ای پی کی خدمات کو خراج تحسین پیش کیا- سید یوسف رضا گیلانی نے ماحولیاتی چیلنجز سے نمٹنے کیلئے لیونگ انڈس انیشی ایٹو، ریچارج پاکستان، اور گلیشیل لیک آٹ برسٹ فلڈ (جی ایل او ایف) کے خطرات کو کم کرنے کیلئے اٹھائے گئے اقدامات باریپاکستان کے عزم کا اعادہ کیا جس کا مقصد انڈس ریور بیسن کو موثر بنانا ہیجو ہماری آبادی اور معیشت کیلئے انتہائی اہم ہے۔ چیئرمین سینیٹ نے عوام پر زور دیا کہ وہ پائیدار مستقبل کی خاطر ماحول کو درپیش چیلنجز سے نمٹنے کیلئے اپنا کردار ادا کریں۔