اسلام آباد (نیوز ڈیسک) : اسلام آباد ہائی کورٹ نے پی ٹی آئی کے مستعفی رکن قومی اسمبلی اور نومنتخب سینیٹر فیصل واؤڈا نااہلی کیس کا تفصیلی فیصلہ جاری کردیا ہے۔ اسلام آباد ہائی کورٹ کے جسٹس عامر فاروق نے 13صفحات پر مشتمل تفصیلی فیصلہ جاری کیا۔فیصیلی فیصلے میں کہا گیا ہے کہ فیصل واؤڈا کا بیان حلفی بادی النظر میں جھوٹا ہے، سپریم کورٹ کے فیصلے کی روشنی میں جھوٹے بیان حلفی کے نتائج ہیں۔ فیصل واؤڈا نے الیکشن کمیشن میں بیان حلفی جمع کرایا، الیکشن کمیشن معاملے کی تحقیقات کر کے مناسب حکم جاری کر سکتا ہے، ۔الیکشن کمیشن کے پیش کردہ ریکارڈ کے مطابق فیصل واؤڈا نے 11 جون کو دہری شہریت نہ رکھنے کا بیان حلفی جمع کرایا۔ جبکہ امریکی شہریت کے خاتمے کا سرٹیفکیٹ 25 جون 2018 کو جاری ہوا۔