اسلام آباد(نیشنل ٹائمز)پاکستان میں گمشدہ یا چھینے جانے والے فون کو بلاک کروانے کا آسان طریقہ متعارف کروا دیا گیا۔تفصیلات کے مطابق پاکستان ٹیلی کمیونیکیشن نے گمشدہ فون بلاک کروانے کا آسان طریقہ متعارف کروا دیا گیا۔ موبائل فون کے گُم جانے کی صورت میں صارف کو سب سےزیادہ جس چیز کے لیے فکرمند ہوتا ہے وہ موبائل میں موجود اسکا ڈیٹا ہوتا ہے، اگر وقت پر فون کو بلاک یا اسکی رپورٹ نا کروایا جائے تو کوئی بھی اسکا غلط استعمال کر کے آپ کو پریشانی میں ڈال سکتا ہے۔اس صورت میں پی ٹی اے نے آن لائن طریقہ صارفین کو بتایا ہے جس سے وہ گھر بیٹھے اپنے گمشدہ فون کی شکایت کروا سکتا ہے۔دی نیو لاسٹ اینڈ اسٹولن ڈیوائس سسٹم کے تحت آپ گمشدگی کی شکایت کر سکتے ہیں، پی ٹی اے کی شکایت کی ویب سائٹ پر جا کر دی گئی ہدایات پر عمل کریں۔ آپ کو شکایت درج کروانے کے لیے اپنی کچھ بنیادی تفصیلات بتانا ہوں گی جیسا کہ نام، پتہ، ای میل اور شناختی کارڈ وغیرہ، اسکے علاوہ آپ کو گمشدہ فون سے متعلق تفصیلات بھی بتانا ہوں گی۔گمشدگی کی درخواست دائر کروانے کے بعد آپ کو ایک ریفرنس نمبر دیا جائے گا جس کے بعد 24 گھنٹے کے اندر اندر آپ کا فون بلاک کر دیا جائے گا۔اور اگر اس دوران آپ کا فون مل جاتا ہے تو اس ویب سائٹ پر جا کر آپ اَن بلاک کے آپشن کا انتخاب کر کے اپنا فون اَن بلاک کروا سکتے ہیں۔