اسلام آباد(نیشنل ٹائمز)پی آئی اے کے مطابق ایئر سفاری سروس ہفتے میں ایک روز چلائی جائے گی۔ جس میں سفر کرنے والے مسافروں کو کالام، جھیل سیف الملوک ، نانگا پربت، کے ٹو سے گزارتے ہوئے اسکردو ایئرپورٹ پر اتارے گی۔پی آئی اے نے اس فلائٹ کا یکطرفہ کرایہ 25 ہزار روپے مقرر کیا ہے،  اس سروس میں جہاز  سے کے ٹو کی چوٹی کے دلفریب مناظر قریب سے دیکھنے کا موقع ملے گا۔واضح ہو کہ پی آئی اے نے گزشتہ روز اس سروس کا اعلان کیا تھا  اور بتایا تھا کہ  اس سروس کی تمام تر تیاریاں مکمل کرلی گئی ہیں، آئندہ چند روز میں اس کا باقاعدہ شیڈول بھی جاری کردیا جائے گا، ایئر سفاری اسلام آباد سے سکردو کے درمیان چلائی جائے گی۔پی آئی انتظامیہ کا کہنا تھا کہ اس سروس سے ملک میں سیاحت کو فروغ ملے گا۔