اسلام آباد(نیشنل ٹائمز)پیپلز پارٹی نے ایل پی جی کی قیمتوں میں مزید اضافے کو عوام دشمن فیصلہ قرار دیتے ہوئے مسترد کر دیا ہے ۔سیکرٹری جنرل پاکستان پیپلز پارٹی سید نیر حسین بخاری کا ایل پی جی قیمتوں میں اضافے پر رد عمل میں کہا ہے کہ حکمران خاندان اور مالیاتی مافیا کے لئے ریلیف اور عوام پر مہنگائی کا مزید بوجھ نا منظور ہے ۔عوام دشمنی پر مبنی فیصلہ واپس لیا جائے نیر بخآری نے مزید کہا کہ قوم خوب جانتی ہے کہ مہنگائی پر نیند نہ آنے کا دعویٰ کرنے والے وزیراعظم کے دستخطوں سے مہنگائی کو طوفان لایا جاتا ہے۔ حکمران شہریوں کے لئے “مہنگائی بمبار “بن چکے ہیں ۔نیر بخاری نے مزید کہا کہ ملک زیادہ تر آبادی ایل این جی استعمال کرتی ہے۔ایل پی جی کی قیمتوں میں اضافہ بجٹ سے قبل منی بجٹ ہے۔نیر بخاری نے کہا کہ آئی ایم ایف ملازمین حکومت کی آئی ایم ایف کی کڑی شرائط ماننے سے مہنگائی میں مزید ازیت ناک اضافہ ہو گا۔انہوں نے کہا کہ حکمران اپنے اللے تللوں کا بوجھ عام لوگوں پر ڈال رہے ۔گھریلو استعمال گیس کی قیمتوں میں ہوش ربا اضافہ “نئے پاکستان” میں ہی ممکن ہے۔نیر بخاری نے مزید کہا کہ ریاست مدینہ کے دعویداروں کا ہر دن عوام الناس پر بھاری ثابت ہوتا ہے۔اشیاء ضروریہ پہلے ہی لوگوں کی دسترس سے بائر کر دی گئی ہیں۔ نیر بخاری نے کہا کہ لوگوں کو ازیتیں دینے والوں کا یوم حساب قریب ہے