جنیوا(شِنہوا)عالمی ادارہ صحت (ڈبلیو ایچ او)نے ایک بارپھرکوویڈ-19 وائرس کے ماخذ کی جانچ کے تحقیقی کام کے لئے”غیر سیاسی ماحول”کا مطالبہ کیا ہے،کیونکہ تحقیق کے سارے عمل کو ” سیاست سے زہر آلود” کیا جارہا ہے۔ ڈبلیو ایچ او ہیلتھ ایمرجنسی پروگرام کے ایگزیکٹو ڈائریکٹر مائک ریان نے پریس بریفنگ کے دوران ہر ایک سے مطالبہ کیا کہ اگر وہ(کوویڈ-19کے ماخذ کی تحقیق) اس معاملے پر سیاست کوسائنس سے الگ کرنے کی کوشش کرسکتے ہیں تو کریں۔انہوں نے کہا کہ اگر آپ توقع رکھتے ہیں کہ سائنس دان اپنا کام اور آپس میں تعاون کریں اورآپ کی خواہش کے مطابق آپ کے جوابات دے سکیں تو اس کے لئے انہیں الزام تراشیوں سے پاک ماحول درکار ہوگا تاکہ وائرس کا ماخذ معلوم ہوسکے تاکہ مستقبل میں ہم تمام اس طرح کی وبا کوروکنے کاطریقہ معلوم کرسکیں،ہم یہ کہتے ہیں کہ یہ سب غیرسیاسی ماحول میں ہی ہوسکتا ہے جہاں سائنس اور صحت ہی اس کا مقصد ہو نہ کہ سیاسی الزام تراشی۔ڈبلیو ایچ اوکے سینئرعہدیدار نے کہا کہ گزشتہ کچھ دنوں کے دوران سارس-کو وی -2 وائرس کے ممکنہ ماخذ کے بارے میں انتہائی کم حقائق پرمبنی خبری مواد کے ساتھ مسلسل مباحثوں کا سامنے آنا تکلیف دہ ہے۔