جلال آباد(شِنہوا)افغانستان کے مشرقی صوبہ ننگرہار میں جمعرات کے روز دیسی ساختہ بم دھماکہ میں ضلعی سربراہ سمیت 3افراد زخمی ہوگئے ہیں۔مقامی حکومت کے ترجمان عطااللہ خوگیانی نے سوشل میڈیا پر لکھا کہ ضلع کاما کے انتظامی سربراہ شریف اللہ فضلی کی سرکاری گاڑی کے ساتھ منسلک دیسی ساختہ دھماکہ خیزمواد(آئی ای ڈی)صبح اس وقت ضلع بہسود کے ہمسایہ میں واقع مقامی علاقہ دامان میں پھٹ گیا جب فضلی گاڑی چلا کر دفتر جارہے تھے۔ترجمان نے مزید کہا کہ واقعہ میں فضلی،ان کا ایک محافظ اور ایک شہری زخمی ہوگئے، انہوں نے مزید کہا کہ انہیں جان لیوا زخم نہیں آئے۔کسی گروپ نے حملے کی ذمہ داری قبول نہیں کی۔تاہم صوبائی عہدیداروں نے واقعہ کو طالبان عسکریت پسند گروہ کی جانب سے ہدف پر مبنی حملہ قرار دیاہے۔
افغانستان ، بم دھماکہ سے ضلعی سربراہ سمیت 3افراد زخمی
