جکارتہ(شِنہوا)چینی دوا سازکمپنی سائنوویک کی تیار کردہ نوول کروناوائرس ویکسین کی ایک مزید بڑی کھیپ انڈونیشیا کے سوئی کارنو ہاتا ہوائی اڈے پر پہنچ گئی ہے۔انڈونیشیا کے وزیربرائے معاشی رابطہ ایئرلانگا ہارتارتو نے کہاہے کہ سائنوویک ویکسینز کے علاوہ انڈونیشیا نے برطانوی کمپنی آسٹرازینکا کی تیارکردہ ویکسینزاورچینی دوا سازکمپنی سائنوفارم بھی حاصل کی ہیں۔خاص طورپرسائنوفارم ویکسین انڈونیشیا کے ایوان صنعت وتجارت کی جانب سے شروع کی جانے والی باہمی تعاون کی اسکیم کے ذریعے ویکسی نیشن پروگراموں کیلئے استعمال کی جاتی ہے جسے مقامی طورپر “گوٹونگ رویونگ”کہاجاتاہے،اس میں کمپنیاں اور ادارے اپنی ملازمین کو نوول کروناوائرس کی مفت ویکسینز مہیا کرتے ہیں۔27کروڑ13لاکھ50ہزارآبادی والا انڈونیشیاقوت مدافعت حاصل کرنے کیلئے 18کروڑ15لاکھ افراد کو ٹیکہ لگانے کاہدف پورا کررہاہے۔