اسلام آباد(نیوز ڈیسک) پیپلزپارٹی کے سینئر رہنما اعتزاز احسن کا کہنا ہے کہ ٹکٹ چلا ہے کا بیان دینے پر مریم نواز نااہل ہوسکتی ہیں۔ پیپلزپارٹی رہنما اعتزاز احسن نے کہا کہ مریم نواز کا بیان کہ نوٹ نہیں چلا ٹکٹ چلا ہے کرپشن کے زمرے میں آتا ہے، ٹکٹ چلی ہے تو یہ بھی مجرمانہ فعل ہے نااہلی کے زمرے میں آتا ہے۔اعتزاز احسن نے کہا کہ مریم نواز کا ٹکٹ چلنے کا بیان لالچ کے زمرے میں آتا ہے، ان کا یہ بیان الیکشن کمیشن میں لے جایا جاسکتا ہے۔انہوں نے کہا کہ پی ٹی آئی مریم نواز کے بیان کو الیکشن کمیشن میں لے جاسکتی ہے، میری نظر میں یہ خطرناک معاملہ ہے جس پر نااہلی ہوسکتی ہےپیپلزپارٹی رہنما نے کہا کہ علی حیدر گیلانی ٹیپ کی جو بھی ملکیت لے وہ الیکشن کمیشن میں پیش کرسکتا ہے، ملکیت لینے والے کو ٹیپ کیوں بنائی ارادہ بتانا ہوگا۔اعتزاز احسن نے کہا کہ علی حیدر گیلانی کی ٹیپ پر الیکشن کمیشن نے نوٹس لیا تو ایکشن بھی لینا ہوگا، سینیٹ الیکشن پر ٹیپ سے کیا اثر پڑتا ہے یہ کہنا مشکل ہے۔انہوں نے کہا کہ حیدر گیلانی نے پریس کانفرنس میں جو باتیں کی ثابت کرنا پڑتا، ٹیپ پوری آگئی لیکن یہ دیکھنا ہوگا کس ارادے سے بنائی گئی، ٹیپ میں صورت حال واضح ہورہی ہے جو خطرناک ہے