راولپنڈی (نیشنل ٹائمز) آرمی چیف جنرل قمر جاوید باجوہ سے برطانوی چیف آف ڈیفنس اسٹاف جنرل نکولس پیٹرک نے ملاقات کی ،ملاقات کے دوران باہمی دلچسپی کے امور ، علاقائی سلامتی کی صورتحال خصوصا افغان امن عمل میں موجودہ پیشرفت اور دوطرفہ اور دفاعی تعاون کو مزید فروغ دینے کے اقدامات پر تبادلہ خیال کیا گیا، آرمی چیف جنرل قمر جاوید باجوہ نے جنرل نکولس پیٹرک سے پرنس فلپ کے انتقال پر اظہار تعزیت کرتے ہوئے کہا پرنس فلپ کے انتقال سے دنیا انتہائی مہذب شخصیت سے محروم ہوگئی ہے، پیر کو پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ سے برطانوی چیف آف ڈیفنس اسٹاف جنرل نکولس پیٹرک نے ملاقات کی ، ملاقات میں باہمی دلچسپی،علاقائی سیکیورٹی صورتحال پرتبادلہ خیال کیا گیا اور افغان مفاہمتی عمل پرہونیوالی تازہ پیش رفت پر بھی گفتگو کی گئی، ملاقات کے دوران باہمی دفاعی تعاون کے اموربھی زیرغورآئے،آئی ایس پی آر کے مطابق برطانوی جنرل سر نکولس پیٹرک نے خطے میں استحکام اور بالخصوص افغانستان میں قیام امن کیلئے پاکستان کی مخلصانہ کوششوں کی تعریف کی ،آرمی چیف جنرل قمر جاوید باجوہ نے کورونا کیخلاف جنگ میں مدد پر جنرل نکولس پیٹرک سے اظہار تشکرکرتے ہوئے کہا کہ پاک فوج برطانیہ سے دوستانہ تعلقات کوخاص اہمیت دیتی ہے۔