سیول(رپورٹرزڈیسک)جنوبی کوریا کے صدر من جے ان نے کہا کہ ان کی حکومت جنوبی کوریا اور عوامی جمہوریہ کوریا (ڈی پی آر کے) اور ڈی پی آر کے اورامریکہ کے درمیان مذاکرات کی بحالی کے لئے کوئی راہ نکالنے کی کوشش کرے گی۔من نے ان خیالات کا اظہار پیر کواپنے پانچ سالہ دور اقتدار کے چوتھے سال کے آغاز کے موقع پر ٹیلی ویژن خطاب کے دوران کیا۔ انہوں نے مئی 2017 میں اقتدار سنبھالا تھا۔صدر نے کہا کہ 21 مئی کو واشنگٹن میں امریکی صدر جو بائیڈن کے ساتھ طے شدہ سربراہ ملاقات کے دوران وہ جنوبی کوریا-امریکہ اتحاد کومستحکم اور ڈی پی آر کے سے متعلق پالیسی پرمزید ہم آہنگی پیدا کریں گے۔انہوں نے کہا کہ ان کی حکومت جنوبی کوریا۔ ڈی پی آر کے اور ڈی پی آر کے- امریکہ مذاکرات بحال کرنے کے لئے کوئی راہ نکالے گی اور امن اورتعاون کے لئے قدم بڑھائے گی۔پیانگ یانگ کی طرف سے ردعمل کی امید ظاہر کرتے ہوئے من نے کہا کہ اگر ان کی صدارت کے بقیہ دور میں ایک بار پھر “امن کی گھڑی” کا رخ موڑنے اور جزیرہ نما میں امن عمل کو آگے بڑھانے کا موقع ملتا ہے تو وہ اپنی پوری کوشش کریں گے۔