تہران(نیشنل ٹائمز)تہران میں عالمی ادارہ ء صحت (WHO) کے سربراہ ڈاکٹر سید جعفر حسین کی پاکستان ایمبیسی تہران میں ملاقات۔ دوران ملاقات کرونا عالمی وبائی چیلنج سمیت باہمی دلچسپی کے مختلف امور پر تبادلہ خیال کیا گیا۔ وزیر خارجہ کا کہنا تھا کہ کورونا عالمی وبائی چیلنج سے نبرد آزما ہونے کیلئے عالمی سطح پر مشترکہ لائحہ عمل اختیار کرنے کی ضرورت ہے۔کوونا وبا کے پھیلاؤ کو روکنے کیلئے عالمی ادارہ صحت کی خدمات قابل تحسین ہیں ۔پاکستان میں کرونا وبا کی تیسری لہر پہلے سے زیادہ مہلک ثابت ہو رہی ہے۔محدود وسائل کے باوجود، اس وباؤ کے پھیلاؤ کو روکنے کیلئے سمارٹ لاک ڈاؤن سمیت موثر حکمت عملی اپنا رہے ہیں ۔کرونا وبا کے دوران عالمی ادارہ صحت کی طرف سے پاکستان کی معاونت کو سراہتے ہیں۔ایرانی قیادت کے ساتھ ملاقاتوں میں دیگر امور کے ساتھ ساتھ کرونا وبا سے بچاؤ کیلئے مشترکہ کاوشوں پر تبادلہ خیال ہوا۔پاکستان میں کرونا سے بچاؤ کیلئے ویکسینیشن کا عمل بتدریج جاری ہے ۔پہلے مرحلے میں شعبہ طب سے وابستہ ڈاکٹرز، نرسز اور پیرا میڈیکل اسٹاف کو ویکسین کے ذریعے محفوظ بنا رہے ہیں ۔تہران میں عالمی ادارہ ء صحت کے سربراہ ڈاکٹر سید جعفر حسین نے وزیر خارجہ کا شکریہ ادا کیا اور ایران میں کرونا وبا سے نمٹنے کیلئے عالمی ادارہ صحت کی کاوشوں سے آگاہ کیا۔ایران میں تعینات پاکستانی سفیر رحیم حیات قریشی بھی اس موقع پر موجود تھے۔