اسلام آباد(نیشنل ٹائمز) : ریاست دشمنوں کا سر کچلنے کا وقت آگیا۔پاک فوج اور ریاست کیخلاف زہراگلنے والوں کا قلع قمع کرنے کا فیصلہ کر لیا گیا۔سوشل میڈیا پر پاکستان اور ریاستی اداروں کیخلاف مہم چلانے والا راجہ عادل فاروق شناختی کارڈ نمبر37405-2680276-5 اور اس کے بھائی طیب فاروق شناختی کارڈ نمبر37405-3005958-5 کیخلاف تعزیرات پاکستان کی دفعہ 406ت پ کے تحت مقدمہ دائرکر دیا گیا۔ اس کے علاوہ کاشف شکور ورلد عبدالشکور شناختی کارڈ نمبر91400-0115501-1کو بھی اسی مقدمے میں نامزد کیا گیا ہے۔اسی طرح بیرون ملک سے پاکستانی فوج اور فوجی سربراہ کیخلاف زہرفشانی کرنیوالے سید حیدر غفار مہدی شناختی کارڈ نمبر61101-4037039کیخلاف بھی مقدمہ درج کر لیا گیا گیا اور سیدحیدر مہدی کے دونوں بیٹو ں سید شایان علی مہدی شناختی کارڈ نمبر61101-5968247-5اور سید شان علی مہدی کے وارنٹ گرفتار ی بھی جاری ہیں تاہم گرفتاری کے خوف سے دونوں کے بیرون ملک فرار ہونے کا خدشہ تھا۔چونکہ مذکورہ ملزمان مقدمہ میں گرفتاری کے خوف سے روپوش ہو چکے ہیں لہذاڈی آئی جی پولیس راولپنڈی کی جانب سے نادرا سےتمام ملزمان کےشناختی کارڈ بلاک کرنے کی درخواست کی گئی ہے۔واضح رہے کہ پاک فوج سے ریٹائرڈراجہ میجر عادل گزشتہ چند ماہ سے بیرون ملک سے پاکستان اور ریاستی اداروں کیخلاف سوشل میڈیا پر مسلسل حملے کر رہا ہےاور زہرفشانی کر رہا ہے اور اسی طرح پاکستان آرمی کا حصہ رہنے والے سید حیدر غفار مہدی بھی سوشل میڈیا پر پاک فوج کے سربراہ اور ادارے کیخلاف زہراگلتے رہتے ہیں۔