اسلام آباد(نیشنل ٹائمز)پاکستان تحریکِ انصاف کے رہنما فواد چوہدری کا کہنا ہے کہ چیف الیکشن کمشنر اور سندھ کے ممبر کے خلاف ریفرنس فائل ہوچکا ہے۔فواد چوہدری نے اسلام آباد میں میڈیا سے گفتگو کے دوران الیکشن کمیشن کے باہر بڑے احتجاج کا اعلان کرتے ہوئے کہا ہے کہ الیکشن کمیشن کا فیصلہ آئین اور قانون سے ماورا ہے، چیف الیکشن کمشنر اور سندھ کے ممبر کے خلاف ریفرنس فائل ہوچکا ہے، الیکشن کمیشن کے فیصلے کے خلاف اپیل میں جائیں گے۔فواد چوہدری نے کہا ہے کہ ممنوعہ فارن فنڈنگ کیس میں فیصلے سے قبل پی ڈی ایم قیادت نے چیف الیکشن کمشنر سے ملاقات اور خود توہین عدالت کی۔فواد چوہدری کا حکومت کو مخاطب کرتے ہوئے کہنا ہے کہ عمران خان اور پی ٹی آئی پر پابندی لگانا آپ کے بس میں نہیں۔