جکارتہ(شِنہوا)انڈونیشیا کی پولیس نے کہاہے کہ اس کے انسداد دہشت گردی اسکواڈ ڈینسُس 88نے صوبہ مغربی جاوا کے ضلع بیکاسی سے ایک مشتبہ دہشت گرد اور مشرقی جکارتہ کے انتظامی شہر کے ضلع کرامات جاتی سے دیگر2دہشت گرد گرفتارکرلئے ہیں۔بیکاسی میں ہونے والی گرفتاری پر جکارتہ پولیس کے چیف انسپکٹر جنرل فادیل عمران نے کہاکہ ہم نے بم اور دھماکہ خیزمواد کے مشتبہ مالک کو گرفتارکرلیاہے۔کرامات جاتی میں ایک شخص اور ایک عورت کو استعمال شدہ گاڑیوں کے شوروم والے گھر سے گرفتارکیاگیا۔دونوں کیسز میں مزیدتحقیقات جاری ہیں۔