نئی دہلی(شِنہوا)بھارت کی مشرقی ریاست جھارکھنڈ میں گھر کے اندر دھماکے کے باعث2بچوں سمیت خاندان کے 4افراد ہلاک ہوگئے ہیں۔دھماکہ جھارکھنڈ کے صدر مقام رانچھی سے221کلومیٹر شمال مشرق کی جانب ضلع گیری دیہہ کے تیسری علاقہ میں ہوا۔ایک پولیس عہدیدارنے سوموار کے روز بتایا کہ گزشتہ روز تیسری کے علاقہ میں گھر کے اندر دھماکے کے باعث 2خواتین اور2بچوں سمیت خاندان کے 4افراد ہلاک ہوگئے،ہم نے کیس کا اندراج کرلیاہے اور تحقیقات کا حکم دے دیاہے۔پولیس کے مطابق دھماکے کی وجہ کا تاحال پتہ لگاناہے تاہم پولیس کو کھانا پکانے والے سلنڈر کے دھماکے کا شبہ ہے۔
پولیس عہدیدار نے کہاہے کہ پہلی نظر میں گھر کے اندر کھانا پکانے میں استعمال ہونے والے گیس سلنڈر کا دھماکہ ہوا۔