بیجنگ (شِنہوا) چائنہ یوتھ ڈیلی کی جانب سے جاری کردہ ایک سروے میں بتایا گیا ہے کہ 97 فیصد سے زیادہ چینی والدین اس بات پر متفق ہیں کہ بچوں کا زیادہ خیال رکھنا ایک معمول کی بات ہے اور ان میں سے 88.6 فیصد نے تسلیم کیا ہے کہ انہوں نے اپنے بچوں کے لئے ضرورت سے زیادہ کام کیا ہے۔ایک سروے کے مطابق جس میں 1,500 چینی والدین سے رائے پوچھی گئی تو انہوں نے تسلیم کیا کہ وہ اپنے بچوں کی روز مرہ کی زندگی میں بہت زیادہ مداخلت کرتے ہیں۔70 فیصد رائے دہندگان کا کہنا تھا کہ والدین کی جانب سے بچوں کا زیادہ خیال رکھنے یا والدین کی زیادہ توجہ کی وجہ سے اُن کے بچے ان پر زیادہ انحصار کرتے ہیں۔جہاں تک والدین کی اپنے بچوں کا زیادہ خیال رکھنے کے پیچھے وجوہات کا سوال ہے تو اس سروے میں بتایا گیا ہے کہ 60 فیصد والدین چاہتے ہیں کہ وہ اپنے بچوں کو دوسرے بچوں سے آگے بڑھائیں جبکہ آدھے سے زیادہ ہر وقت اپنے بچوں کے ارد گرد رہتے ہیں تاکہ اپنے بچوں کو زیادہ بہتربچپن مہیا کرسکیں جس سے وہ اپنے بچپن میں لطف اندوز نہیں ہو سکے۔