خرطوم (شِنہوا) چینی حکومت کی جانب سے سوڈان کو عطیہ کردہ سائنو فارم کوویڈ- 19 ویکسین کی کھیپ سوڈان کے دارالحکومت خرطوم پہنچ گئی۔سوڈان میں چینی سفیرما شن من ، ہنگامی صورتحال کے لئے سوڈان کی ہائر کمیٹی کے چیئرمین صدیق تاویر اورسوڈان کے وزیر صحت عمرال نجیب نے خرطوم کے بین الاقوامی ہوائی اڈے پرویکسین وصول کی۔ہوائی اڈے پرصحافیوں سے گفتگو کرتے ہوئے چیی سفیرنے کہا کہ چینی حکومت نے آج سوڈان کوکوویڈ-19 کے خلاف جنگ میں مدد کے لئے چینی ویکسین فراہم کی ہے۔یہ اقدام دونوں ممالک اوران کے عوام کے درمیان گہری دوستی اور قریبی تعلقات کو ظاہر کرتا ہے۔
اس موقع پر ال نجیب نے سوڈان کے لئے چین کے مدد گارموقف کی تعریف کرتے ہوئے کہا کہ چین نے سوڈان کونہ صرف وبا کے دوران بلکہ خرطوم اور سوڈان کے دیگر شہروں میں بھی صحت کی سہولیات کی تعمیر میں مدد فراہم کی ہے۔تاویرنے سائنو فارم ویکسینزکی آمد کی اہمیت پر زوردیتے ہوئے کہا کہ یہ ہمارے اورعوامی جمہوریہ چین کے مابین دیرینہ اور برادرانہ تعاون کی جانب ایک مزید قدم ہے۔