اسلام آباد(نیشنل ٹائمز)پاکستان اسٹاک ایکسچینج (پی ایس ایکس) میں رواں کاروباری ہفتے کی پہلی مثبت بندش ہوئی ہے جہاں 100 انڈیکس 120 پوائنٹس اضافے کے ساتھ بند ہوا ہے۔ اسٹاک ایکسچینج کا بینچ مارک 100 انڈیکس کاروبار کی بندش پر 45 ہزار 132 پوائنٹس رہا۔کاروباری دن میں انڈیکس 475 پوائنٹس کے احاطے میں رہا، جبکہ انڈیکس کی آج بلند ترین سطح 45 ہزار 231 اور کم ترین 44 ہزار 756 رہی۔حصص بازار میں آج 18 کروڑ 63 لاکھ شیئرز کے سودے ہوئے، جن کی مالیت 6 ارب 8 کروڑ روپے رہی۔کاروبار کی بندش پر مارکیٹ کیپٹلائزیشن 7 ہزار 702 ارب روپے ہے، جبکہ مارکیٹ کیپٹلائزیشن آج 8 ارب روپے بڑھی۔