پیانگ یانگ (شِنہوا) عوامی جمہوریہ کوریا (ڈی پی آر کے) نے دو نئے تیار کردہ ٹیکٹیکل گائیڈڈ میزائل لانچ کر دیے ہیں ۔کوریا کے سرکاری مرکزی خبر رساں ادارے نے جمعہ کو رپورٹ دی کہ اکیڈمی برائے دفاعی سائنس نے اس لانچ کا انعقاد کیا اور جس طرح اس کی پُر اعتماد انداز میں پیش گوئی کی گئی تھی ، یہ لانچنگ بہت ہی کامیاب تھی ۔رپورٹ میں مزید کہا گیا کہ نیا تیار کردہ نئی قسم کا ٹیکٹیکل گا ئیڈڈ پروجیکٹائل ہتھیاروں کا ایک ایسا نظام ہے جسے پہلے ہی تیار کیا گیا تھا اور ٹیکٹیکل گا ئیڈڈ پروجیکٹائل کی بنیادی ٹیکنالوجی کے استعمال سے وار ہیڈ کے وزن کو 2.5 ٹن تک بہتر بنایا گیا ہے ۔جنوبی کوریا کے جوائنٹ چیفس آف اسٹاف نے جمعرات کو کہا کہ عوامی جمہوریہ کوریا نے مشرقی سمندر میں دو نامعلوم پروجیکٹائلز داغے ہیں ۔