بیجنگ(شِنہوا) چین کے نائب وزیراعظم ہان ژنگ نے ملک کی سوشلسٹ جدت حاصل کرنے میں اچھی شروعات یقینی بنانے کیلئے کوششیں کرنے پر زور دیا ہے۔ہان کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے رکن بھی ہیں، انہوں نے ان خیالات کا اظہار چائنہ ترقیاتی فورم 2021کی افتتاحی تقریب سے خطاب کرتے ہوئے کیا۔جدت حاصل کرنے کیلئے چین کو ثابت قدمی سے اعلیٰ معیار کی ترقی کے راستے پر گامزن ہونا ہوگا جوکہ سبز، کم کاربن والا اور ماحولیات کو ترجیح دیتا ہے۔ہان نے کہا کہ ملک 2030تک کاربن کے اخراج کو عروج بخشنے اور 2060تک کاربن سے نجات کا ہدف حاصل کرنے کیلئے موثراقدامات کرے گا۔ہان نے کہا کہ چین اپنے دروازوں کو وسیع تر کھولتا رہے گا، دوسرے ممالک کے ساتھ میکرو پالیسی تعاون مستحکم کرے گا، ہموار اور مستحکم عالمی صنعتی اور ترسیلی چین برقرار رکھے گا اور عالمی معیشت کو جلد بحران کے سائے سے نکالے گا۔انہوں نے بیلٹ اینڈ روڈ کی مشترکہ تعمیر کو اعلیٰ معیار کے ساتھ آگے بڑھانے، معیاری مصنوعات اور خدمات کی درآمد بڑھانے،غیرملکی سرمایہ کاری کیلئے منفی فہرست کو مزید چھوٹا کرنے اور کاروباری ماحول کو فروغ دینے کی کوششوں پر بھی زور دیا جو مارکیٹ اصولوں پر مبنی ہے،قانون اور بین الاقوامی معیار پر عمل پیراہے۔