اسلام آباد(نیشنل ٹائمز) پاکستان پیپلزپارٹی کے مرکزی ترجمان فیصل کریم کنڈی نے کہا ہے کہ سابق صدرِ مملکت آصف علی زرداری پر الزام تراشی کرنے والوں کو ماضی کی طرح مستقبل میں بھی یقینی طور شرمندگی کا سامنا کرنا پڑے گا۔ وفاقی وزیر فواد چودھری کی پریس کانفرنس پر اپنے ردعمل میں فیصل کریم کنڈی نے کہا ہے فواد چودھری کی نوکری کی نوعیت ہی جھوٹ بولنا ہے۔ فواد چودھری کے انکل جج کے نام پر سائلین سے رشوت کے قصے سب کو یاد ہیں۔ فواد چوھری کو وفاداریاں تبدیل کرکے رزق حاصل کرنے کے سوا آتا ہی کیا ہے؟ فیصل کریم کنڈی کا کہنا تھا کہ مسقبل میں فواد چودھری کی وفاداری کباڑی بھی نہیں خریدے گا۔