لاہور(نیشنل ٹائمز)چئیرمین پیمرا سلیم بیگ کی تعیناتی لاہور ہائیکورٹ میں چیلنج کر دی گئی۔ جسٹس شجاعت علی خان نے سمیع ابراہیم کی درخواست پر سماعت کی۔ جسٹس شجاعت علی خان نے کیس جسٹس شاہد کریم کی عدالت میں بھجوا دیا۔ درخواستگزار نے استدعا کی تھی کہ ایسی درخواست جسٹس شاہد کریم کی عدالت میں زیرِالتوا ہے لہٰذا کیس کو جسٹس شاہد کریم کی عدالت میں بھجوا دیا جائے۔

درخواست میں وفاق، چئیرمین پیمرا و دیگر کوفریق بنایا گیا تھا۔درخواستگزار کے مطابق چئیرمین پیمرا کیلئے 18فروری 2018کو اشتہار دیا گیا تھا۔درخواستگزا کے مطابق چئیرمین پیمرا کی اہلیت کا تعلیمی معیار قانون ، فنانس رکھا گیا۔موجودہ چئیرمین پیمرا کی اہلیت ماسٹراِن پولیٹیکل سائنس ہے۔چئیرمین پیمرا اخبار عہدے، تعلیمی معیار پرپورا نہیں اترتے۔چئیرمین پیمرا کے خلاف نیب میں کیسز بھی ہیں۔موجودہ چئیرمین پیمرا کو میرٹ کے برعکس تعینات کیا گیا۔ درخواستگزا نے موقف اختیار کیا کہ عدالت چئیرمین پیمرا کی تعیناتی کا اقدام کالعدم قرار دے۔