اسلام آ باد(نیوز ڈیسک) لندن میں سارہ ایوراڈ کے قتل کے الزام میں وائن کوزنز پر 25 اکتوبر سے مقدمہ چلے گا۔میڈیا رپورٹس کے مطابق کیس کی ابتدائی سماعت 9 جولائی کو ہوگی۔ حاضر سروس پولیس آفیسر وائن کوزنز پر فرد جرم جمعہ کو عائد کی گئی تھی۔وائن کوزنز کی جانب سے ضمانت کی درخواست نہیں دی گئی۔سارہ ایوراڈ کے قتل کے خلاف وسطی لندن میں احتجاج اور مظاہرے کیے جارہے ہیں۔یاد رہے کہ 33 سالہ مارکیٹنگ منیجر سارہ 3 مارچ کو گھر لوٹتے ہوئے لاپتا ہوگئی تھی۔ سارہ کی گمشدگی کے الزام میں گرفتار پولیس افسر سے پوچھ گچھ ہو رہی ہے۔میڈیا رپورٹس کے مطابق ملزم کی معاونت کے الزام میں ایک عورت کو بھی حراست میں لیا گیا تھا جو اب ضمانت پر ہے۔