غزہ :اسرائیلی فائرنگ بمباری ،بچے سمیت 7افرادشہید

رملہ،غزہ ،لندن(نیشنل ٹائمز)غزہ اور مغربی کنارے میں اسرائیلی فوج کی فائرنگ اور بمباری سے 7 فلسطینی شہید ہوگئے ، جن میں 6 سالہ بچہ اور خاتون بھی شامل ہے ۔ شہری دفاع کے ترجمان محمود بسال نے بتایا کہ وسطی غزہ کے شہر دیر البلح میں اسرائیلی  فائرنگ سے 21 سالہ نوجوان اور 6 سالہ بچہ ایاس النمنام شہید ہوئے ۔ شمالی غزہ میں جبالیا کیمپ کے قریب اسرائیلی ڈرون حملے میں 2 افراد مارے گئے ، جبکہ جنوبی غزہ میں بمباری اور فائرنگ سے مزید 2 فلسطینی شہید ہوئے ۔مغربی کنارے میں فلسطینی حملہ آوروں کی جانب سے اسرائیلی آبادکاروں پر گھات لگا کر حملے کے بعد جھڑپیں شروع ہوگئیں، جس کے دوران اسرائیلی آبادکار کی فائرنگ سے 60 سالہ فلسطینی خاتون شہید ہوگئی۔ طبی حکام کے مطابق واقعے میں خاتون کے علاوہ چار فلسطینی زخمی بھی ہوئے ۔ بیت لحم کے قریب ایک اور واقعے میں اسرائیلی آبادکار کی گاڑی کی ٹکر سے پانچ فلسطینی زخمی ہوگئے ۔ برطانیہ نے مغربی کنارے میں یہودی بستیوں کی تعمیر اور توسیع میں ملوث 8 اسرائیلی کمپنیوں پر پابندیاں عائد کر دی ہیں۔ برطانوی وزیر خارجہ ایڈ ملی بینڈ نے اسرائیلی کمپنیوں پر زور دیا کہ وہ فلسطینی علاقوں کی تباہی اور دو ریاستی حل کو نقصان پہنچانے کے عمل سے باز رہیں۔ پابندیوں کا مقصد کمپنیوں کی مالی معاونت روکنا اور مزید تعمیرات کی حوصلہ شکنی کرنا ہے ۔ فلسطینی اتھارٹی نے مغربی کنارے میں یہودی آبادکاریاں تعمیر کرنے والی اسرائیلی کمپنیوں پر برطانیہ کی پابندیوں کا خیرمقدم کرتے ہوئے اسے متعلقہ اداروں کے لیے واضح پیغام قرار دیا ہے ۔



  تازہ ترین   
شہباز شریف اور آصف زرداری کی ملاقات، تمام معاملات مشاورت سے حل کرنے پر اتفاق
خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک
پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا
تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر