چین کے بڑے شہروں میں اکتوبر کے دوران گھروں کی قیمتوں میں کمی کی شرح مزید کم

بیجنگ (شِنہوا) سرکاری اعداد و شمار کے مطابق چین کے بڑے شہروں میں اکتوبر کے دوران گھروں کی مجموعی قیمتوں میں شرح گزشتہ سال کی نسبت مزید کم ہوئی۔
قومی ادارہ شماریات کی ماہانہ رپورٹ کے مطابق گزشتہ ماہ بیجنگ، شنگھائی، گوانگ ژو اور شین زین جیسے چار بڑے شہروں میں نئے گھروں کی قیمتیں گزشتہ سال کے اسی عرصے کے مقابلے میں 0.1 فیصد کم ہوئیں۔ تاہم قیمتوں میں کمی کی یہ شرح ستمبر کے مقابلے میں 0.4 فیصد پوائنٹس کم رہی۔
دوسری جانب دوسرے اور تیسرے درجے کے شہروں میں نئے گھروں کی قیمتوں میں گزشتہ سال کی نسبت بالترتیب 2 فیصد اور 3.6 فیصد کمی ریکارڈ کی گئی۔ ان شہروں میں بھی قیمتوں میں کمی کی شرح میں بالترتیب 0.4 اور 0.3 فیصد پوائنٹس کمی آئی۔
پہلے سے فروخت ہونے والے گھروں کی قیمتوں میں بھی بڑے شہروں میں سالانہ کمی کی شرح کم ہوئی جبکہ شنگھائی میں ان گھروں کی قیمتوں میں 2.2 فیصد اضافہ ریکارڈ کیا گیا۔
قومی ادارہ شماریات ہر ماہ 70 بڑے شہروں میں گھروں کی قیمتوں سے متعلق رپورٹ جاری کرتا ہے جس میں چار پہلے درجے، 31 دوسرے درجے اور 35 تیسرے درجے کے شہر شامل ہیں۔ اس رپورٹ میں جائیدادوں کی قیمتوں میں ہونے والی تبدیلیوں کا جائزہ لیا جاتا ہے۔
گزشتہ ماہ کی نسبت اکتوبر میں پہلے درجے کے بڑے شہروں میں گھروں کی قیمتوں میں مجموعی طور پر اضافہ ہوا جبکہ دوسرے اور تیسرے درجے کے شہروں میں قیمتیں کم ہوئیں۔
رپورٹ کے مطابق اکتوبر میں جائزے میں شامل 70 شہروں میں سے 14 میں نئے گھروں کی قیمتوں میں گز شتہ ما ہ کی نسبت اضافہ ہوا تاہم یہ تعداد ستمبر کے مقابلے میں تین کم تھی۔ اسی طرح سات شہروں میں پہلے سے فروخت ہونے والے گھروں کی قیمتوں میں اضافہ ریکارڈ کیا گیا جو گزشتہ ماہ کے مقابلے میں دو کم ہے۔



  تازہ ترین   
پاک فوج کا فتح 3 سپر سونک کروز میزائل کا کامیاب تجربہ
بلاول 2020 سے کاروبارِ حکومت میں پارٹنر، کیا آپ لیکچر یا دھمکی دینے کا حق رکھتے ہیں؟ خواجہ آصف
چھوٹے صوبے ناگزیز، سندھ میں خون کا قطرہ بھی گرا تو ذمہ دار بلاول ہونگے: مصطفیٰ کمال
سندھ کی تقسیم کے معاملے پر خونریزی کس بنیاد پر ہوگی؟ ملک احمد خان
خواہش ہے مظفرآباد سے میرپور تک موٹروے منصوبے پر عمل ہو: نوازشریف
سسٹم کو سیاسی ری سیٹ کی ضرورت، انتقامی کارروائیاں بند، قیدی آزاد کرنا پڑیں گے: بلاول بھٹو
لاہور سمیت پنجاب کے مختلف شہر شدید فضائی آلودگی کی لپیٹ میں آگئے
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر