سڈنی (شِنہوا) کریباتی کے صدر تانیتی ماماؤ نے جمعرات کو دارالحکومت تراوا میں کہا کہ ان کا ملک ایک چین کی پالیسی پر مضبوطی سے کاربند ہے۔ انہوں نے امید ظاہر کی کہ دونوں فریق دوطرفہ تعلقات کو مزید آگے بڑھانے کے لئے مل کر کام کریں گے۔
کریباتی میں چین کے نئے تعینات ہونے والے سفیر یاؤ فے کی جانب سے سفارتی اسناد پیش کئے جانے کے موقع پر ان سے ملاقات کرتے ہوئے ماماؤ نے کریباتی کے لئے چین کی بے لوث امداد پر بھی شکریہ ادا کیا۔
یاؤ فے نے کہا کہ وہ کریباتی کی حکومت اور معاشرے کے تمام شعبوں سے تعلق رکھنے والے دوستوں کے ساتھ مل کر دونوں ممالک کے سربراہان کے درمیان طے پانے والے اہم اتفاق رائے پر مکمل عملدرآمد، چین اور کریباتی کے درمیان دوستانہ تعاون کو مسلسل گہرا کرنے اور دونوں ممالک کے عوام کو مزید فوائد پہنچانے کے لئے تیار ہیں۔
یاؤ نے 22 اکتوبر کو کریباتی میں اپنے عہدے کا چارج سنبھالا۔