بیجنگ (شِنہوا) چینی وزارت خارجہ کی ترجمان ماؤ ننگ نے پیر کے روز حوثیوں کے سعودی عرب میں ریاض کے مرکزی بین الاقوامی ہوائی اڈے پر حملے کے بعد کہا ہے کہ چین نے ہمیشہ عام شہریوں اور شہری تنصیبات پر حملوں کی مخالفت کی ہے۔
ماؤ نے معمول کی پریس بریفنگ کے دوران کہا کہ چین اس حملے کی شدید مذمت کرتا ہے جس میں بھاری جانی نقصان ہوا جبکہ تنازع میں اضافے پر شدید تشویش کا اظہار کرتا ہے۔
انہوں نے کہا کہ چین متعلقہ فریقوں پر زور دیتا ہے کہ وہ ایسے اقدامات سے گریز کریں جن سے علاقائی کشیدگی میں مزید اضافہ ہو سکتا ہو، بات چیت اور مذاکرات کے ذریعے اختلافات اور تنازعات حل کریں اور جلد از جلد علاقائی امن و استحکام حاصل کریں۔