بیجنگ (شِنہوا) چینی صدر شی جن پھنگ نے سیچھوان یونیورسٹی پر زور دیا ہے کہ وہ مختلف شعبوں میں اپنی مربوط صلاحیتوں سے فائدہ اٹھاتے ہوئے قومی حکمت عملیوں کی تکمیل میں قائدانہ اور مثالی کردار ادا کرے۔ انہوں نے یونیورسٹی کے قیام کی 130ویں سالگرہ کے موقع پر مبارکباد بھی دی۔
چینی صدر اور کمیونسٹ پارٹی آف چائنہ کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین شی جن پھنگ نے یہ بات یونیورسٹی کے اساتذہ اور طلبہ کے نام ایک جوابی خط میں کہی۔
خط میں شی جن پھنگ نے یونیورسٹی کے اساتذہ، طلبہ اور سابق طلبہ کو مبارکباد دی۔
انہوں نے کہا کہ ملک کی خدمت کے لئے خود کو وقف کرنا، چین کے مغربی علاقوں میں اپنی جڑیں مضبوط کرنا اور تعلیم کے ذریعے باصلاحیت افراد کی تربیت کرنا سیچھوان یونیورسٹی کی عمدہ روایات ہیں۔
شی جن پھنگ نے امید ظاہر کی کہ یونیورسٹی اپنی انقلابی روایات کو آگے بڑھائے گی، انسانی علوم، سائنسی علوم، انجینئرنگ اور طب سمیت مختلف شعبوں کے باہمی امتزاج سے اپنی صلاحیتوں سے فائدہ اٹھائے گی اور چین کو تعلیم، سائنس و ٹیکنالوجی اور باصلاحیت افراد کی ترقی کے شعبوں میں ایک قائدانہ ملک بنانے میں اپنا کردار ادا کرے گی۔
سیچھوان یونیورسٹی کی تاریخ 1896 میں قائم ہونے والے سیچھوان چائنیز اینڈ ویسٹرن سکول سے جڑی ہے جو چین کے جنوب مغربی حصوں میں اعلیٰ تعلیم کا سب سے قدیم ادارہ تھا۔