اسلام آباد (نیشنل ٹائمز) وفاقی حکومت نے مقامی سطح پر تیار ہونے والی 2000 سی سی تک کی ہائبرڈ الیکٹرک گاڑیوں (HEVs) کو 25 فیصد سیلز ٹیکس سے استثنیٰ دے دیا۔ اب ان گاڑیوں پر 25 فیصد کے۔۔۔

 بجائے عام شرح کے مطابق ٹیکس لاگو ہوگا۔وفاقی وزارت خزانہ نے S.R.O. 1525(I)/2026 کے ذریعے سیلز ٹیکس ایکٹ 1990 کے تحت ایس آر او میں ترمیم کر دی ہے ۔ ترمیم کے تحت 2000 سی سی تک کی مقامی طور پر تیار یا اسمبل ہونے والی ہائبرڈ الیکٹرک گاڑیوں پر ٹیبل II کے ٹیکس کے احکامات لاگو نہیں ہوں گے جس کے ذریعے گاڑیوں پر 25 فیصد کی شرح سے سیلز ٹیکس عائد کیا گیا تھا۔وزارت خزانہ نے مارچ 2023 میں جاری نوٹیفکیشن S.R.O. 297(I)/2023 کے تحت ایس یو ویز (SUVs)، سی یو ویز (CUVs)، 1400 سی سی یا اس سے زائد کی گاڑیوں اور ڈبل کیبن پک اپس پر 25 فیصد سیلز ٹیکس لاگو کیا تھا۔ مارچ 2024 کے S.R.O. 370(I)/2024 کے ذریعے اس فہرست میں 40 لاکھ روپے سے زائد مالیت کی تمام مقامی گاڑیوں کو بھی شامل کرکے 25 فیصد ٹیکس کے دائرہ کار میں لایا گیا تھا۔ وفاقی حکومت کی جانب سے ٹیبل II میں ترمیم کا اطلاق فوری طور پر ہوگا۔