پشاور(نیشنل ٹائمز)پولیس مقابلے میں انتہائی مطلوب نورے گینگ کے تین کارندے ہلاک ہو گئے ۔کیپٹل سٹی پولیس پشاور تر جمان کے مطابق خطرناک اشتہاری مجرمان علاقہ اخون بابا قبرستان میں کسی سنگین واردات کیلئے مسلح موجود تھے۔۔۔

تاک میں بیٹھے اشتہاری مجرمان نے پولیس پارٹی کو دیکھتے ہی اندھا دھند فائرنگ کی۔کراس فائرنگ میں ہلاک اشتہاری مجرمان میں  گراں ولی ولد شیر علی ، علی خان عرف شینا ولد دواں جان ساکنان افغانستان اور ذبیح اﷲ ولد قدیم خان سکنہ مہمند بیری باغ کے ناموں سے ہوئی۔پولیس کارروائی کے دوران ہلاک اشتہاری مجرمان کے قبضے سے کلاشنکوف ، دو عدد پستول بھی برآمد کر لئے گئے ،ہلاک اشتہاری مجرمان کا مزید ریکارڈ چیک کیا جا رہا ہے ۔واقعہ کے حوالے سے مزید تفتیش جاری ہے ۔نورے گینگ کے افراد پولیس کو مختلف مقدمات میں مطلوب تھے۔