بیجنگ (شِنہوا) چینی فوج کے ایک ترجمان نے جمعہ کے روز بتایا ہے کہ چائنیز پیپلز لبریشن آرمی کی سدرن تھیٹر کمانڈ نے فلپائن کے تین طیاروں کا سراغ لگایا اور انہیں خبردار کیا، جو چینی حکومت کی اجازت کے بغیر غیر قانونی طور پر چین کے ہوانگ یان ڈاؤ کی فضائی حدود میں داخل ہوئے تھے۔
تھیٹر کمانڈ کی فضائیہ کے ترجمان لی جیان جیان نے کہا کہ فلپائن کا یہ اقدام چین کی خودمختاری کی سنگین خلاف ورزی ہے اور اس سے ’’غلط فہمی اور غلط اندازوں کا انتہائی زیادہ امکان‘‘ پیدا ہو سکتا ہے۔
ترجمان نے فلپائن پر زور دیا کہ وہ اپنی خلاف ورزی اور اشتعال انگیزی پر مبنی کارروائیاں فوری طور پر بند کرے۔ انہوں نے مزید کہا کہ تھیٹر کمانڈ قومی خودمختاری اور سلامتی کے ساتھ ساتھ علاقائی امن و استحکام کے تحفظ کے لئے انتہائی چوکس ہے۔