پویانگ (شِنہوا) چین کے وسطی صوبہ ہینان کے گاؤں شی شن ژوانگ کے پارٹی سربراہ لی لیان چھینگ نے اپنے گاؤں کو غربت سے نکال کر دیہی ترقی کی ایک کامیاب مثال بنا دیا ہے۔1991 میں گاؤں کے سربراہ کا عہدہ سنبھالنے کے بعد لی نے دیہاتیوں کی قیادت کرتے ہوئے سبزیوں کی کاشت، کاغذ کو دوبارہ کارآمد بنانے اور دیگر شعبوں میں کاروبار کو فروغ دیا۔ آج گاؤں میں 20 سے زائد کمپنیاں کام کر رہی ہیں اور یہ جدید اور ذہین صنعتوں کی جانب تیزی سے آگے بڑھ رہا ہے۔قومی عوامی کانگریس (این پی سی ) کے رکن کی حیثیت سے لی نے 2019 میں این پی سی کے سالانہ اجلاس کے دوران “کسانوں کے آٹھ خواب” پیش کئے۔ ان میں بہتر بنیادی تعلیم، معیاری طبی سہولیات اور مقامی سطح پر زیادہ روزگار کے مواقع شامل تھے جو ملک بھر کے دیہی عوام کی امنگوں کی عکاسی کرتے تھے۔شی شن ژوانگ گاؤں کی ترقی ان خوابوں کی تعبیر کی واضح مثال ہے۔ گزشتہ برسوں میں کشادہ سڑکیں، بہتر صحت اور معیاری تعلیمی سہولیات گاؤں کا حصہ بن چکی ہیں۔ اب گاؤں کے ہر خاندان کے پاس لفٹ سے آراستہ تین منزلہ گھر موجود ہے جبکہ عوامی خدمات اور کاروباری سہولیات بھی دستیاب ہیں۔تین دہائیوں سے زائد عرصے سے دیہی ترقی کے لئے وقف لی لیان چھینگ ان ہزاروں مقامی رہنماؤں کے لئے ایک مثال بن چکے ہیں جو دیہی زندگی کو بہتر بنانے کے لئے قابل قدر خدمات انجام دے رہے ہیں۔