لندن(نیشنل ٹائمز)برطانوی وزیراعظم کیئر اسٹارمر نے عہدے سے مستعفی ہونے کا اعلان کردیا۔

ٹین ڈاؤننگ سٹریٹ پر پریس کانفرنس کے دوران برطانوی وزیر اعظم نے کہا کہ قیادت کے لیے انتخاب مکمل ہونے تک عہدے پر برقرار رہوں گا، لیبر قیادت کے انتخاب کے لیے نامزدگیاں 9 جولائی سے اوپن ہوں گی، نیشنل ایگزیکٹو کمیٹی سے انتخابی شیڈول طے کرنے کی درخواست کروں گا۔

ان کا کہنا تھا کہ بار بار یہ بتایا گیا ہماری پارٹی کمزور ہوگئی اور ختم ہوگئی، میں پارٹی کی خواہش پر پارٹی لیڈرشپ سے مستعفی ہوتا ہو، لیبر پارٹی قیادت کے انتخاب کا باقاعدہ ٹائم ٹیبل جلد جاری کیا جائے گا، آج صبح کنگ چارلس سے گفتگو ہوئی، تاہم اپنے جانشین کو مکمل تعاون اور بھرپور حمایت فراہم کروں گا۔

برطانوی وزیراعظم نے مزید کہا کہ اقتدار کی منتقلی کو منظم اور ہموار بنانے کے لیے ہر ممکن اقدام اٹھاؤں گا۔

خیال رہےۃ کہ چار برسوں میں تیسری بار برطانیہ ایک ایسے مرحلے پر پہنچا ہے جہاں وزیرِاعظم نے عام انتخابات میں شکست کے باعث نہیں بلکہ اپنی ہی جماعت کے دباؤ کے تحت اقتدار چھوڑنے کا اعلان کیا ہے۔